ضي الشمساية .... بقلمي

فى عيونك ضي الشمساية ..♥.. سحرانا عيونك والله ياقمراية



دي الشمس بتشبهلك دايما ..♥.. في الطلة الرسمة حتى الضحكاية



قلبك ياعنيا شفاف أبيض ..♥.. طيب وحنين عايش جوايا



شعرك .. شعري عاجز عن وصفه ..♥.. سواح كدا دايما ومراقبه خطايا



وعيونك سودا أقصد عسلي ..♥.. مين غيرهم بس سبب في شقايا




ورموشك تفرش على فدادين ..♥.. خلتني يا روحي داير في رحايا




ولا خدودك ورد وتفاح اشتكوا منها ..♥.. بتوديني ف عالم تاني ولا حد معايا



ولا القوام دا غصن لبان ..♥.. دايما في خيالي نورلي سمايا



ولا كلامك مع همسك صوتك ..♥.. علق ف وداني انا سامعه غنايا



ولا جفونك نايمة ف جفوني ..♥.. ولا سهرت زيي ولو سهراية



لم تبصيلي ببقى ياحياتي ..♥.. زي اللى غريق محتاج قشاية



عارفة لو بس اسمع منك اسمي ..♥.. دي لوحدها بس عندي حكااية



لو تحكى كمان لو ليلة عني ..♥.. دا يشيل عني كل عنايا



لو تيجي تقولي حرف ال ب ..♥.. دانتى تزيلي كل بكايا




لو تضيفيلها كمان حرف ال ح ..♥.. لتعيشي عمرك طير ف حمايا



لو كررتيلي حرف ال ب ..♥.. لأ كده يبقى بمبي مسايا




لو يختم همسك بحرف الكاااف ..♥.. أنا كلي ليكي يا كريماية




دانت الغالي♥ وانت النني♥ وانت هنايا♥ وانت دوايا




وانت اللي انا دايما بفضل مستني ♥♥ يعشقني واحبه ويبقى معايا

المواضيع المتشابهه:

• سفر ( ق.ق.ج) بقلمي
• الم الابتعاد بقلمي
• اسفة انا بقلمي
• في حبك انت بقلمي
• لا تكن صالحا بقلمي