روائع الشعر العراقي/كاظم اسماعيل كاطع/بارنتظار خلص عمري

بسم الله الرحمن الرحيم اللهم صل على محمد وعلى آله وصحبه أجمعين

بانتظارك خلٌصت عمري إنتظار
عاشرت ليل المحطه
وارتجي إيجيبك قطار
والقطار!!
لو يحب مثلي .. وتشب بضلوعه نار
يسرع إبمشيه ويجيبك
بالفجر قبل النهـــــــــــار
ولَو تعٌبني إنتظارك!!
شارك العمر إبسنينـــــــه
إهواي كًالو مايجيك!!
وكًلبي جاوبهم يجينه .. يجينــــه
ناشدت كل روجه عنٌك ؟؟
كل جرف كحَلت عينـــــه
وإسألت كل الشواطي ؟؟
بلكت إتجيبك سفينـــــه
!!!! ولا سفينه ... ولا قطــــار
وخَلصٌتْ عمري إنتظــــــار!!
لا قطار ولا سفينـــــــه
وآنه والليل إبأمل جَيْتَكْ علينــــــــــــــــه
طيح يا دمع النده وكًطٌر بِدِينــــه
إحنه ليليٌه إنتلاكًه
نسهر آنه وياك ياليل المدينــــــه
آنه عيني عالمحطه
وإنته عينك عالنهار
خلصٌت عمري إنتظـــــــار
اكثر امنياتي وياك متصير
وظلت وحدة منهه بروحي محبوسة
حسبالي اسحبك من غرور البيك
ظل ذاك الغرور وذاك طاووسه
ربك عوَضك بالوجنة عن النور
وميخاف الظلام الخده فانوسه
صحيح تنازلتلك لأن جاي العيد
لكن خطِتي بهالمرة مدروسة
أنه لهاي الشفايف من صدك عطشان
ولو ممصالحك ما حصلت بوسة
إتريٌكَت باكَة صبر وكَلاص هم
وتوكلت بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!بسوكَ الذهب يلكَــــــاه
وإللي مفاركَ محب ...يمكن سنه وينســــــاه.
. والطاح منٌه الكَلب قلب إصطناعي
إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟ يارب عليــــــــك

المواضيع المتشابهه:

• روائع الشعر العراقي/كاظم اسماعيل كاطع/زعلان بس يازعل
• روائع الشعر العراقي/كاظم اسماعيل كاطع/ما مرتاح
• روائع الشعر العراقي/كاظم اسماعيل كاطع/صور عيونج مواني
• روائع الشعر العراقي/كاظم اسماعيل كاطع/غاب القمر
• روائع الشعر العراقي/كاظم اسماعيل كاطع/سمعته كلمة غزل

اميرة الحب ,Poem r ,ريماس و 2 آخرون معجبون بهذا

همس المطر ,وردة الغرام